Paul Sir 係計劃其中一位影子學習導師，佢從事既係指紋性格分析，咁即係風水師傅?! 睇掌紋?!
絕對唔係呢回事!
Golden Profiling 指紋性格分析係一套由分析指紋得知先天性格既學說，係建基於科學，有曬數據分析同臨床試驗。由1962 年 赫羅．金明斯博士 根據對手掌皮膚紋路既研究，創立左「皮紋學」開始，科學家就一直研究指紋同人既關係，研究既領域包括: 人類學、遺傳研究、胚胎學、精神病學等等，當中結合左唔同既科學知識，透過分析指紋，就可以得知先天人格特質、有效溝通模式同個人潛在能力。
指紋分析唔駛填表同答問題，甚至表情都唔駛睇，就無扮野既可能性，可以大大提升準確度，分為3 系 11 型紋型，每人平均有10隻手指，每隻手指又有11型紋型，計起黎即係共有大約260億個組合，所以仔細分析曬10隻手指，就可以得出每個人獨特既性格分析，達到精而準。
咁即係有咩用呀?
指紋性格分析可以有好多用途，由於可以好精準又快速咁了解到先天性格，只要你諗得到，同人有關既地方都幾乎用得上，例如: 幫人分析先天性格同天賦，解決佢依家面對緊既難題，又或者協助幼兒教育，分析BB先天性格、有效溝通模式同天賦，等父母更準確地投放資源培育，又或者工作上，幫助團隊更了解大家既溝通模式，令合作變得更好。所以唔同地方都有做指紋性格分析既可能，建立到客源既話，係可以作為一個職業。即使平日見客或社交場合，都係一個關係「破冰」同人打開話題既好方法。
咁點先識幫人做指紋性格分析呀?
係香港都可以讀到指紋性格分析既課程，以導師Paul sir 為例，只要讀完課程*，完成實習及通過考試，就可以進行指紋性格分析。香港暫時都仲未有發牌機構處理指紋性格分析既牌照，主要都係睇番課程既內容，同埋發出證書機構既認受性。所以係香港暫時未可以講得上係人人都認識既行業，仲需要行內人士去繼續建立。不過亦代表現時入行既門檻唔高，沒有學歷要求，如果對人或性格學有興趣，都可以考慮修讀課程，令自己有多一項技能呀!
咁今次條片係講咩架？

SOFH 就係指紋性格分析既精華版，針對2隻手指分為4種紋型，分別係 太陽型、軌道型、全月型同半月型，今次Paul Sir 就同埋兩位嘉賓，一齊傾下 SOFH 點樣用係應對客人上面，有咩方法可以好D咁應付太陽型同半月型既難搞客人呢？
*完成基礎及中級課程可分析他人的性格；需完成進階課程才可分析他人的性格及能力

Golden Profiling 指紋性格分析: https://www.facebook.com/goldenprofiling/