年青人於疫境下可能賺到生活費的偏方

2020年，對年青人黎講絕對係充滿挑戰嘅一年，疫情突然殺到，令到大量行業踏入冰河時期，殺全球老闆同打工仔一個措手不及，但係正所謂有危就有機，喺呢個時候你係會選擇自怨自艾？定係用盡所有方法去尋求一條生路？

我會選擇後者，而當疫情殺到嘅時候，好多人都仲係未醒，仲係跟住其他人嘅腳步，周圍撲酒精搓手液、撲口罩、甚至撲米、撲紙巾等等…..但又有幾多人係已經著手籌備緊其他有可能發展嘅生意呢？身邊不乏有D年青朋友會喺唔同嘅渠道購入口罩再轉賣賺取差額，亦有朋友因為購入大量搓手液，而貨期延誤導致變左dead stock賣唔出，呢個時候我建議佢地合作，做一個綑綁式銷售，從而令銷費者唔洗兩頭搵，一次過買齊需要嘅野，又可以散貨，都算係一舉兩得，而我自己呢？

我就直接搵左間香港嘅藥廠合作，以包線形式製作口罩再供給不同機構，由於係公司對公司嘅關係，並沒有在市面上零售，銷情亦比較穩定，亦唔需要囤積太多存貨，所以如果大家都有呢類型貨源都不防試一試，隨時可以幫你搵到足夠嘅生活費！

而除左賣口罩，當然仲有好多野可以做，例如煮野食好叻嘅，不妨試下料理包再送上門，又或者係其他你自己叻嘅野同時又係唔出街就買唔倒嘅，而個客又可以足不出戶就拎到手嘅，我相信呢個生意都一定可以玩一輪，賺少少零用錢，緊記一樣野就係，做任何生意都一定有風險，要量力而為，最好係搵多D朋友仔傾下，比人質詢下，諗下解決方法，先再做，咁就穩陣喇！

by 創天洗碗 Marcus